Kuhusu ukurasa huu

Duka365 ni programu ya kuendesha duka na kufuatilia bidhaa, inayotolewa na Protend Limited. Ukurasa huu unaeleza jinsi ya kufuta akaunti yako ya Duka365 pamoja na taarifa zilizomo. Huhitaji kuwa na app kwenye simu ili kuutumia.

1. Kama unaweza kuingia

Mwenye duka anaweza kufunga akaunti kupitia dashibodi. Ingia kwenye duka365.tz, fungua Mipangilio, teremka hadi sehemu iliyo na rangi nyekundu, kisha chagua Futa akaunti.

Hii hufanya kazi mara moja. Kila mtu hutolewa nje, hakuna anayeweza kuingia tena, na app ya simu huacha kufanya kazi kwa duka hilo.

Ni mwenye duka pekee anayeona chaguo hili. Kama unafanya kazi dukani na unataka akaunti yako ya mfanyakazi iondolewe, mwambie mwenye duka akuondoe kwenye skrini ya Timu, au tuandikie kwa anwani iliyo hapa chini.

2. Kama huwezi kuingia

Tuandikie support@duka365.tz kwa kutumia barua pepe iliyo kwenye akaunti, na useme ni duka lipi unataka lifungwe. Tutahakikisha ombi limetoka kwa mwenye akaunti kabla ya kufanya chochote, na tutakujibu likishakamilika.

3. Nini huondolewa

Kufunga akaunti huondoa uwezo wa kufikia kila kitu kilichomo:

• Kuingia kwako na wasifu wako — jina, barua pepe na namba ya simu.
• Bidhaa za duka, bei, vipimo na kiasi kilichopo stoo.
• Mauzo, risiti, malipo na madeni yanayodaiwa na duka.
• Wateja na wasambazaji, pamoja na majina, namba za simu na anwani zilizoingizwa kaunta.
• Matumizi, matawi, ripoti na kila akaunti ya mfanyakazi wa duka hilo.

Taarifa zilizo kwenye simu ni tofauti. Kutoka nje au kufuta app husafisha kila kitu Duka365 ilichohifadhi kwenye simu hiyo.

4. Kumbukumbu zinafutwa lini

Kufunga akaunti hufanyika mara moja: kila mtu hutolewa nje papo hapo na hakuna anayeweza kuingia tena.

Kisha kumbukumbu za duka hufutwa kwenye mifumo yetu ndani ya siku 7. Huhitaji kuomba tena, wala hakuna jambo lingine la kufanya. Duka lisilo na kitu ndani — hakuna bidhaa, hakuna mauzo, hakuna wateja — hufutwa mara moja, kwa sababu hakuna cha kushikilia.

Duka linapofungwa tunamtumia mwenye duka barua pepe mara moja. Ujumbe huo una kiungo kinachorudisha duka kama lilivyokuwa, na hufanya kazi mpaka kumbukumbu zifutwe — huhitaji kuingia ili kukitumia. Baada ya hapo zitakuwa zimepotea kabisa, na hiyo ndiyo maana ya kuzifuta.

Pale sheria inapotutaka kutunza kumbukumbu — kanuni za kodi na uhasibu ndizo sababu ya kawaida — tunatunza kile kinachohitajika pekee, na kwa muda unaohitajika pekee.

5. Mawasiliano

support@duka365.tz — Protend Limited. Andika kwa Kiswahili au Kiingereza; lugha yoyote ni sawa.